İbtidai siniflər üçün terminlər lüğəti

misra

Şeirin ayrılıqda götürülmüş bir sətri.

modelləşdirmə

Təcrübə və ya sınağın obyekt üzərində deyil, onun xüsusiyyətlərini daşıyan model üzərində aparılması.

modem

Kompüteri qlobal şəbəkəyə birləşdirən elektron cihaz, rabitə qurğusu.

moderato

molbert

Rəssamın şəkil üzərində işləməsi üçün lazım olan üç və ya dördayaqlı dayaq; rəssam dəzgahı.

Molbert, adətən, taxtadan hazırlanır və rəsm onun üzərində yerləşdirilir.

monarxiya

Sülalə hakimiyyəti; hakimiyyətin irsi olaraq bir şəxsdən ailənin digər üzvünə keçməsi ilə gerçəkləşdirilən dövləti idarəetmə forması.

monitor

monoloq

Bәdii әsәrdә bir obrazın sәhnədәki digәr surәtlәrә, yaxud öz-özünә müraciәtlә söylәdiyi nitq.

Monoloq daha çox dram əsərlərinə xasdır və əsasən, əsərin baş qəhrəmanı tərəfindən deyilir.

monomino

Bir kvadratdan alınan fiqur.

monumental heykəltəraşlıq

Tarixi hadisələrə, görkəmli şəxsiyyətlərə həsr olunan təsviri sənət növü.

mordent

morze əlifbası

Teleqraf vasitəsilə uzaq məsafəyə məlumat ötürmək üçün işarələr sistemi.

Bu əlifbada hərf, rəqəm və işarələr tire və nöqtə işarələrinin müxtəlif kombinasiyaları ilə əvəz olunur.

mozaika

Eyni və ya müxtəlif rənglərdə şüşə, daş hissəcikləri və plitələrdən hazırlanmış təsvir, şəkil, naxış.

Mozaika sadə və mürəkkəb həndəsi formalı xırda material qırıqlarından yığılır və əhəng, sement, mastika, yaxud mum təbəqəsinə bərkidilir.

mötərizə

Düzbucaqlı, yarımdairəvi və ya fiqurlu şaquli xətt şəklində qoşa durğu işarəsi: [], (), {}.

mötərizəli ədədi ifadə

Bəzi riyazi əməllərin mötərizə içində verildiyi ədədi ifadə.

Belə ifadələrdə əvvəlcə mötərizənin içindəki əməl yerinə yetirilir. Onun cavabı tapıldıqdan sonra digər əməllər ardıcıllıqla yerinə yetirilir. Beləliklə, mötərizənin içindəki əməl ədədi ifadənin vahid bir komponenti kimi çıxış edir.

              23 x (54 - 40) = 23 x 14 = 322