mehrab

1. Məscidlərdə qiblə tərəfdəki divarın içində oyuq yer (önündə namaz qılınır).

2. Qiblə.

3. Məcazi mənada: inanılan yer.

4. Məcazi mənada: məşuqənin qaşları.

Gedirəm, yolum iraxdı,

Bülbül ötər səhər vaxtı,

Boş qalmasın babam taxtı,

Yıxılmasın o mehrabı.

(“Şah İsmayıl”)

Qaşları mehrabı, gözləri yağı,

Ahu gözlüm, nə dönürsən məzarı?!

Aşığı bənd edər zülfü, dodağı,

Ahu gözlüm, nə dönürsən məzarı?!

(“Əsli və Kərəm”)

Azərbaycan dastanlarının leksikası