Dictionaries
Tarix terminləri lüğəti
əfəndi
türk. efendi < yun. aphentes – cənab, hökmdar
Osmanlı dövlətində müraciət forması.
Ə. termini öncə sultan da daxil olmaqla əyan və digər kübar şəxslərə aid edilib, XIX əsrdən sultan nəslindən olan şahzadələrə, ilahiyyat elminin nümayəndələrinə, xaricilərə və qeyri-müsəlmanlara, qadınlara (xanım Ə.), dövlət məmurlarına (onların rütbəsinin tərkib hissəsi olub), həmçinin bütün savadlı mülki şəxslərə münasibətdə nəzakətli müraciət forması kimi işlənib. 1934-cü ildə Türkiyədə bütün titul və köhnə müraciət formalarının ləğvi ilə əlaqədar Ə.-nin rəsmi şəkildə istifadə edilməsi yasaqlanıb. Müasir Türkiyədə, əsasən, hörmət əlaməti olaraq işlənir.
Tarix terminləri lüğəti