Dictionaries
Tarix terminləri lüğəti
kanqlılar
başq. Kanlı; qazax. Kanlı; özb. Qangli; qırğız. Kanduu – hərfi mənası: qanlı
XI–XII əsrlərdə formalaşmış türk tayfa birliyi.
Bu tayfa birliyi XI əsrdə İrtış çayı ətrafından Aralboyu çöllərə köçmüş qıpçaqların yerli oğuz-peçeneqlərlə qaynayıb-qarışması nəticəsində yaranıb. K. (bəzi qaynaqlarda – kanlılar, qanqlılar), əsasən, köçəri maldarlıq və sənətkarlıqla məşğul olublar. Orta əsrlərdə onlar Orta Asiya dövlətlərində (xüsusilə Xarəzmşahlarda) mühüm mövqe tutublar. K.-ın XIII əsrdə İssıkkul rayonuna köçmüş qismi monqollar tərəfindən darmadağın edilib, Xarəzmdə qalan hissəsi isə özbəklərin, qazaxların, qaraqalpaqların, eləcə də başqırdların etnogenezində rol oynayıb.
Tarix terminləri lüğəti