xalq dramı

Müəllifi bilinməyən mərasim və etno-mədəni tamaşa-oyunların bədii mətni.

Bu oyunlar daha çox komik-didaktik xarakterli olur. Xalq ruhunu, xalqın arzu və istəklərini əks etdirən primitiv kompozisiyalı pyeslərdir. Azərbaycanda X.D.-nın bir çox nümunələri bu günümüzə qədər gəlib çıxıb; məs.: “Əkəndə yox, biçəndə yox, yeyəndə ortaq qardaş”, “Hambal və xanım”, “Lotu Qara və molla”, “Keçəl Sərvətalı” və s.