reytar

alm. reiter – atlı, süvari

XVI əsrdə Qərbi Avropanın bir sıra muzdlu ordularında ağır silahlı cəngavərləri əvəzləmiş süvari.

R.-lar uzun qılınc, 2 tapança, tüfəng və ya karabinlə silahlanıblar, dəbilqə və sinəbənd geyiblər. Əsasən, almanlardan toplanan bu süvarilər alman dövlətlərinin, eləcə də Polşanın, İsveçin, digər ölkələrin qoşunlarında xidmət ediblər. XVIII əsrin başlanğıcında R.-lar başqa süvari döyüşçülərlə əvəzləniblər.