İbtidai siniflər üçün terminlər lüğəti

komediya

Gülməli, məzəli məzmunlu pyes.

Komediya həyatdakı nöqsanları, insanların mənfi cəhətlərini açıb göstərir və onları gülüş hədəfinə çevirir.

kometa

Quyruğabənzər parlaq işıqsaçan xətti olan, dumanlı ləkə formasında səma cismi.

kompas

Maqnitləşdirilmiş əqrəbi həmişə şimalı göstərməklə dünyanın cəhətlərini təyin edən cihaz.

kompleks

Qüsurlarından utanma hissi, özündən narazılıq.

İnsan, adətən, fiziki çatışmazlıqlarına (bədən quruluşunda, xarici görünüşündə müxtəlif qüsurlar) və daxili, psixoloji çatışmazlıqlarına (bilik, qabiliyyət, bacarıq və s.) görə kompleks hissi keçirir.

komponent

Mürəkkəb quruluşa malik bir vahidin elementlərindən (hissələrindən) biri.

Məsələn, azalan çıxma əməlinin komponentlərindən biridir.

kompozisiya

1. Ədəbiyyat və incəsənət əsərlərinin quruluşu və onların hissələri arasında qarşılıqlı əlaqə.

2. Bəstəkar, yaxud rəssamın yaradıcı əməyinin son nəticəsi olan musiqi, heykəltəraşlıq və ya qrafika əsəri.

kompüter

İnformasiyanı saxlayan, ötürən, qəbul edən, emal edən elektron qurğu, elektron hesablama maşını.

Müasir dövrdə kompüterlərin fərdi, notbok, netbuk, cib kompüteri, planşet və s. növləri vardır. Bu kompüterlərdə informasiya ilə işləmə imkanları da fərqlidir.

kompüter şəbəkəsi

kompüter tomoqrafiyası

Bədənin istənilən hissəsinin köndələn kəsiklərlə təsvirini almağa imkan verən kompüter texnologiyası.

Kompüter tomoqrafiyası az bir zamanda daha dəqiq nəticə əldə etməyə imkan verir.

konsert

1. Bir sıra musiqi nömrələrinin müəyyən proqram əsasında auditoriya qarşısında ifa olunması.

2. Orkestrin müşayiəti ilə bir musiqi aləti tərəfindən ifa olunmaq üçün yazılmış musiqi əsəri.

konstitusiya

Bir dövlətin ictimai və dövlət quruluşunu, seçki sistemini, dövlət orqanlarının fəaliyyət və təşkilat prinsiplərini, vətəndaşların əsas hüquq və vəzifələrini müəyyən edən əsas qanun.

Müstəqil Azərbaycan Respublikasının Konstitusiyası 1995-ci il 12 noyabr tarixli referendumda qəbul olunmuş və 1995-ci il noyabrın 27-dən qüvvəyə minmişdir.

konsul

Hər hansı dövlətin müəyyən məntəqəsində başqa bir dövləti təmsil edən şəxs, diplomat.

Konsul öz dövlətinin bu ölkədə yaşayan vətəndaşlarının hüquqlarını təmin edir. Səfirdən fərqli olaraq konsulun fəaliyyəti yerləşdiyi dövlətin bütün ərazisini deyil, yalnız bir hissəsini əhatə edir.

kontekst

Mətndə hər hansı bir söz və ya ifadənin mənasını dəqiqləşdirmək imkanı verən bitmiş bir hissə.

Kontekst qismində bir və ya bir neçə cümlə çıxış edə bilər; məsələn, aşağıdakı cümlələrdən «qol» sözünün hansı mənada işləndiyini müəyyən etmək mümkündür:

1) Azarkeşlər hücumçunun qolunu ayaq üstə alqışladılar.

2) Çayın bir qolu da kəndimizin yaxınlığından axır.

3) Müdir müqaviləni diqqətlə oxuyub qol çəkdi.

kontrabas

Tembrinə görə ən qalın səsli simli-kamanlı alət.

kontrrelyef

Müstəvinin səthindən dərində yerləşən təsvir.